Rashid Khan Nadwi

31-7-21 یوپی بورڈ دسویں، بارھویں کے نتائج کا اعلان آج  لکھنؤ۔ یوپی  بورڈ دسویں، بارھویں کے نتائج کا آج دوپہر ساڑھے تین بجے اعلان کیا جائے گا۔ یہ اطلاع ڈایریکٹر ثانوی تعلیم ونے کمار پانڈے نے دی۔ انھوں نے بتایا کہ نتائج upmps.edu.in اور upresults.nic.in پر دیکھے جاسکتے ہیں۔ 10ویں اور12ویں کے نتائج 3:30بجے اپلوڈ کر دیے جاءیں گے۔

30-7-21 مغربی بنگال میں راجیہ سبھا کا ضمنی الیکشن 9/اگست کو بی جے پی اپنا امیدوار نہیں کھڑا کرے گی کولکاتہ، (ایجنسیاں) مغربی بنگال بی جے پی نے 9 اگست کو ہونے والے راجیہ سبھا کے ضمنی انتخاب کے لئے ترنمول کانگریس کے امیدوار جواہر سرکار کے سامنے اپنا امیدوار کھڑا نہیں کرنے کا فیصلہ کیا ہے۔ بنگال اسمبلی میں اپوزیشن لیڈرشوبھندوادھیکاری نے کہا کہ بی جے پی نے امیدوار کھڑا نہیں کرنے کا فیصلہ کیا ہے۔خیال رہے کہ پہلے بی جے پی نے کہا تھا کہ وہ راجیہ سبھا کے ضمنی انتخاب میں امیدوار کھڑا کرے گی۔دنیش ترویدی کے استعفیٰ کی وجہ سے یہ سیٹ خالی ہوگئی تھی۔انہوں نے راجیہ سبھا میں کھڑے ہوکر بنگال حکومت کی تنقید کرتے ہوئے استعفیٰ دینے کا اعلان کردیا۔  ترنمول کانگریس نے پرسار بھارتی کے سابق سی ای او جواہر سرکار کو اپنا امیدوار بنایا ہے۔ انہوں نے بدھ کے روز اسمبلی میں جا کر اپنے کاغذات نامزدگی بھی جمع کروائے ہیں۔چوں کہ اب بی جے پی نے ان کے خلاف کوئی امیدوار کھڑا نہیں کرے گی اس لئے ان کا بلامقابلہ کامیاب ہونا یقینی ہے۔ایسے اعداد وشمار کے اعتبار سے بھی ان کا میاب ہونایقینی تھا۔ جواہر سرکار کو مودی حکومت کا س...

 29-7-21 NEET  میں OBC اور EWS طلبا کو ملے گا ریزرویشن نئی دہلی (ایجنسیاں) مرکز کی مودی حکومت نے میڈیکل ایڈمشن کیلئے بڑا فیصلہ کیا ہے۔ سرکار نے او بی سی اور اقتصادی طور پر پسماندہ طبقہ کے طلبا کیلئے ریزرویشن کو منظور کرلیا ہے۔ سرکار نے او بی سی طلبا کو 27 فیصد اور اقتصادی طور پر کمزور طلبا کے لوگوں کیلئے 10 فیصد ریزرویشن دینے کا فیصلہ کیا ہے۔ مرکزی وزارت صحت نے جمعرات کو او بی سی طبقہ اور اقتصادی طور پر کمزور طبقہ کے لوگوں کیلئے ریزرویشن دینے کا اعلان کیا ہے۔وزارت نے 2021-22 سیشن سے اس کو لاگو کرنے کا فیصلہ کیا ہے۔ اس فیصلہ سے تقریباً 5500 طلبا کو فائدہ ملے گا۔ ریزرویشن دینے کے اس فیصلے کا فائدہ  ہرسال آل انڈیا کوٹہ اسکیم (اے آئی کیو) کے تحت یوجی اور پی جی میڈیکل / ڈینٹل کورس (ایم بی بی ایس / ایم ڈی / ایم ایس / ڈپلومہ / بی ڈی ایس / ایم ڈی ایس) میں داخلہ لینے والوں کو ملے گا۔ وزارت صحت نے کہا کہ سرکار او بی سی اور ای ڈبلیو ایس طبقہ کے لوگوں کو ریزرویشن دینے کیلئے پابند عہد ہے۔ مرکزی وزارت صحت کے ذریعہ جاری ایک بیان میں کہا گیا ہے کہ وزیراعظم نریندر مودی نے پیر کو ہوئی ایک ...

 29-7-21 زیورات کے نئے شوروم ’دی گہنہ پیلس‘ کا افتتاح لکھنؤ (راشد خان ندوی) اکبری گیٹ سرائے بانس نزد ایک مینارہ مسجد زیورات کے نئے شوروم ’دی گہنہ پیلس‘ کا افتتاح آج جمعرات کو ایس پی مالی جرائم شاخ (ای او ڈبلیو) حبیب الحسن نے صبح تقریباً 11 بجے کیا۔ اس موقع پر بطور مہمان خصوصی آئی پی سنگھ موجود تھے۔ شوروم کے پروپرائٹر محمد فاروق خاں چاند نے بتایا کہ افتتاحی تقریب میں محمد سراج، مولانا قاسم، ڈاکٹر اقبال اور منور شہاب وغیرہ بطور مخصوص مہمان شریک ہوئے۔ انھوں نے کہا کہ دی گہنہ پیلس میں سونے چاندی اور ڈائمنڈ کے زیورات انتہائی مناسب قیمت پر ملیں گے اور سونے کی صدفیصد گارنٹی ہوگی۔ شوروم کے افتتاح کے بعد مولانا احسان نے دعا کرائی۔

 29-7-2021 بچے اپنے ماں -باپ کا سہارا بنیں: آنندی بین پٹیل لکھنؤ۔ (راشد خان ندوی) اترپردیش کی گورنر محترمہ آنندی بین پٹیل نے اوریا میں کہا کہ بڑھاپا زندگی کا سچ ہے اور بچے اپنے ماں - باپ کا سہارا بنیں۔ محترمہ پٹیل نے جمعرات کو یہاں موضع آنے پور میں واقع ’مادھو ہیپی اولڈ ایج ہوم ضعیف آشرم‘ کے معائنہ کے دوران یہ بات کہی۔ انھوں نے کہا وہاں رہ رہے ضعیفوں کے مسائل کو جانا اور آشرم چلانے والوں اور انتظامی افسران سے میٹنگ کرکے مسائل کو جلد حل کرنے کی ہدایت دی۔ اس موقع پر گورنر نے کہا کہ بڑھاپا زندگی کی حقیقت ہے۔ زندگی کے اس پڑاؤ میں اپنے ہی سہارا بنتے ہیں۔ اس لئے والدین بچوں کو پڑھاتے ہیں اور زندگی کی صحیح سمت دکھاتے ہیں، تاکہ وہ کنبہ اور سماج کے مددگار بن سکیں، لیکن کچھ بچے بڑے ہونے کے بعد راستہ بھٹک جاتے ہیں جس کے سبب بوڑھے ماں - باپ کے لئے ادھر، اُدھر بھٹکنا پڑتا ہے۔ ہمیں ان کے درد کو سمجھنا چاہئے۔ گورنر نے ضعیف لوگوں کی سہولت کے لئے آشرم کو واشنگ مشین، فریج و سلائی مشین دی۔ انھوں نے اوریا واقع گیس اتھارٹی آف انڈیا لمیٹیڈ کے سرگم ہال میں قومی دیہی روزگار مشن اور خودامدادی گروپوں کے ذری...

29-7-2021 نہیں بڑھے گی بجلی کی قیمت، ریگولیٹری کمیشن کا حکم یوپی اسمبلی الیکشن قریب ہونے کی وجہ سے صارفین کو راحت لکھنؤ۔ (راشد خان ندوی) اترپردیش بجلی ریگولیٹری کمیشن نے انتخابی برس میں بجلی شرحوں میں کسی بھی طرح کا اضافہ نہ کرکے سبھی زمرہ کے صارفین کو بڑی راحت دی ہے۔ غالب گمان ہے کہ 2022ء میں یوپی اسمبلی  الیکشن کی وجہ سے یہ راحت ملی ہے۔ کمیشن نے ریاست میں لاگو بجلی شرحوں (موجودہ ٹیرف) کو بنائے رکھنے کا فیصلہ جمعرات کو کیا۔ اس کے ساتھ ہی کمیشن نے بجلی کمپنیوں کے سلیب میں تبدیلی کرنے اور ریگولیٹری اسیٹ سرچارج بڑھانے کی تجویز کو بھی خارج کردیا ہے۔ کمیشن نے بغیر اضافہ والے نئے ٹیرف آرڈر کو جاری کردیا ہے۔ سال 2022ء میں ہونے والے اسمبلی الیکشن اور کورونا وبا سے پیدا ہوئی صورت حال کو دیکھتے ہوئے یہ فیصلہ کیا گیا ہے۔ یہ مسلسل دوسرا برس ہے جب بجلی شرحوں میں کسی بھی طرح کا اضافہ نہیں کیا گیا ہے۔ بجلی کمپنیوں کی جانب سے داخل کئے گئے سلیب تبدیلی، ریگولیٹری سرجارج لگانے کی دلیل کمیشن نے نہیں تسلیم کی ہے۔ کمپنیوں نے سلیب تبدیلی اور ریگولیٹری سرجارج سے صارفین پر 49827 کروڑ روپئے نکلنے کا دعویٰ ...