Rashid Khan Nadwi

احتیاط اور قوت ارادی ضروری فی الوقت پورا ملک کووِڈ-19 کی زد میں ہے۔ قومی راجدھانی دہلی، مہاراشٹر، گجرات اور اترپریش کی صورت حال انتہائی ڈراؤنی ہے۔ سب سے تکلیف دہ یہ ہے کہ لوگوں کو علاج کے لیے اسپتالوں میں بیڈ نہیں دستیاب ہیں۔ جن خوش قسمت مریضوں کو اسپتالوں میں بیڈ مل جا رہا ہے، وہ دوسری پریشانیوں سے دوچار ہیں۔ کوئی آکسیجن نہ ملنے سے دم توڑرہا ہے تو کوئی صحت اہلکاروں کی عدم توجہی کی وجہ سے موت و زیست کی کشمکش میں مبتلا ہے۔ حکومت نے جن اسپتالوں کو کووِڈ اسپتال ڈکلیئر کیا ہے وہاں بھی ضروری مقدار میں آکسیجن مہیا کرا پانے میں ناکام ہے۔ کووِڈ علاج کے لیے مختص کیے گئے بعض پرائیویٹ اسپتالوں کے مالکان نے یہ کہتے ہوئے مریضوں کو لینے سے انکار کر دیا کہ ہمارے پاس آکسیجن نہیں ہے، بہت سے اسپتال والے ان ہی مریضوں کو لے رہے ہیں جو اپنے لیے آکسیجن کا انتظام کرسکیں۔ ابھی ایک دن قبل دہلی کے جے پور گولڈن (جے جی) اسپتال میں آکسیجن گیس کی کمی کے سبب تقریباً20 مریضوں کی موت ہو گئی۔ اس سے قبل گنگا رام اسپتال میں 25 مریضوں کی موت ہوگئی تھی۔ سر گنگا رام اسپتال میں بھی آکسیجن گیس کی کمی کے سبب ہی مریضوں کی موت ...